今日最震驚既新聞一定係呢個新聞，尤其紅字那段是最可怕。
政府要加強退休保障工作，須研究加強公共年金與強積金配合。研究方案包括強制退休人士將強積金轉成年金；將強積金自動轉成年金，不願參與者可自行提取；以及維持現狀，但鼓勵市民購買年金。
強積金的原意係令市民有一筆過的退休金黎過基本既退休生活，仲記得當初政府宣傳強積金講每個人的退休後可能有幾百萬退休唔使擔心(仲記得十幾年前電視廣告經常播入晒腦)。而家政府既新構思間接將原本是市民的資產鎖定在年金公司手中，一個左手交右手，舊錢都唔會落番你手到。你每月只會收番你買左年金的份額，呢個做法對一個投資苦手黎講可能有益，但對有基本投資知識的投資人絕對有害。年金的月付出係睇你當初的投入額，如果無新資金基本上唔會有增長，每月收到既生活資金會每年俾通漲蠶食,間接減少購買力。強積金雖然在基金選擇和管理費用和市場上的ETF相比有極大的改善空間，但至少在合適的選擇上你儲落的強積金在退休後不整筆取出，每年只取出生活費用仍可維持一定程度上的增長及可對抗通漲(當然一筆過取出買ETF效果更佳)。仲有買年金某程度上都係一項投資，在退休後考慮埋每年通漲一筆過去買年金，要去計個回本期(Payback Period)，我真係睇唔透。
沒有留言:
發佈留言